Milli Məclisin deputatı Novruzəli Aslanov 28 avqust 2026-cı il tarixində İsmayıllı rayonunda növbəti dəfə seçicilərlə görüşüb.

Turaztv.aza ia.az -a istinadən xəbər verir ki, millət vəkili bu dəfə vətəndaşları rayonun Şəbiyan və Bəhliyan kəndlərində qəbul edib.

Şəbiyan həndində keçirilən görüşdə yaxınlıqda yerləşən Pirəbülqasım kəndinin sakinləri də iştirak ediblər. Qəbulun gedişində vətəndaşları narahat edən sosial yönümlü məsələlər və şəxsi müraciətlər müzakirə edilib. Kənd sakinlərini daha çox narahat edən məsələ qaz təchizatında mövcud olan bəzi problemlərlə bağlı olub.

Daha sonra deputat Bəhliyan kəndində seçicilərlə görüşüb. Bu qəbulun da gedişində vətəndaşları narahat edən sosial yönümlü məsələlər və şəxsi müraciətlər müzakirə edilib. Kənd sakinlərini daha çox narahat edən məsələ qaz və su təchizatında mövcud olan müəyyən problemlərlə bağlı olub. Novruzəli Aslanov hər iki qəbul zamanı sakinlər tərəfindən qaldırılan sosial yönümlü məsələləri və şəxsi müraciətləri qeydə alıb, onların həlli istiqamətində müvafiq addımların atılacağını bildirib.

Deputat Novruzəli Aslanovun keçirdiyi qəbulda iştirak edən Şəbiyan, Bəhliyan və Pirəbülqasım kənd sakinləri, eləcə də rayon ictimaiyyətinin nümayəndələri cənab Prezident İlham Əliyevə və Birinci vitse-prezident Mehriban xanım Əliyevaya İsmayıllı rayonuna göstərilən diqqət və qayğıya görə minnətdarlıqlarını bildiriblər.