Xəbərlər
23.08.2026, 00:00
Müəllif: Gülnarə Məhəmmədqızı : ÖZÜMƏ TƏRƏF - FOTO
Hər parçam illərin xatirəsidir.
Hələ toplanmamış qırıqlarım var,
Hər qırıq keçmişin susan səsidir.
Yaşım hey artdıqca ruhum danışdı,
Adsız arzularım dilə gəlmədi.
Hələ ki özünü tamamlamamış,
Bu dünya da məni duya bilmədi.
Duyğular arxamca hayqırıb getdi,
Kaşkilər köksümü ikiyə yardı.
Xəyallar hüdudsuz yolları aşdı,
İçimdə böyüyən bir nisgil vardı.
Soruşdum: görəsən, axı mən kiməm?
Bir qadın adına sığa bilməyən.
Ana, dost, bəlkə də dayaq, əsgərəm —
Özünü özündə saya bilməyən.
Deyə bilmədiyim bəzi cümlələr
Ömrümün ən gözəl misrası imiş.
Susub dinmədiyim o acı hislər
Daşqın sellərimin məcrası imiş.
Hələ də bu yolun sonu deyildir,
Yenidən özümə tərəf gedirəm.
Axtara-axtara itdiyim məni,
Hər izdə özümü tapıb görürəm.
Sevinc də, itki də tanışdı mənə,
Zillətin üstündən çəkdim boyanı.
Elə ki özümü mən tamamladım,
O zaman tanıdım geniş dünyanı.
Son xəbərlər
Ən çox oxunanlar
- Bu gün
- Bu həftə
- Bu ay
