Biz kəşfiyyatın əldə etdiyi məlumatlardan və açıq məlumatlardan görürük ki, Rusiya müharibəni bitirməyi planlaşdırmır. Hazırda onların sülh variantını ciddi şəkildə nəzərdən keçirdikləri və diplomatiya üzərində ciddi fikirləşdikləri barədə bir dənə də olsun təsdiq yoxdur.

Turaztv.az AZƏRTAC-a istinadən xəbər verir ki, bu fikri Ukrayna Prezidenti Volodimir Zelenski müraciətində söyləyib.

Zelenski Ali Baş Komandanın qərargahının növbəti iclasını keçirdiyini və Ukraynada dronları zərərsizləşdirən müdafiə sisteminin istehsalının artırılmasına göstəriş verdiyini bildirib.

“Bunu hər gecə daha cəsarətli və irimiqyaslı xarakter alan Rusiya zərbələri də sübut edir. Axı Rusiya son günlər Ukraynaya qarşı 900-dən çox hücum pilotsuz təyyarəsi, ballistik raketlər və qanadlı raketlər buraxıb. Həmçinin bu gün Baş Qərargahda Rusiya zərbələrinin nəticələri, onların pilotsuz təyyarələrdən istifadə taktikası və Ukraynanın cavab tədbirləri müzakirə edilib. Mən pilotsuz təyyarələrin ələ keçirən müdafiə sistemin istehsalının əhəmiyyətli dərəcədə artırmağı əmr etmişəm və bunun üçün tərəfdaşlarımızdan daha çox maliyyə cəlb edəcəyik. Müvafiq xəbərlər hazırlayırıq. Mən, həmçinin Ukrayna ballistik raketlərin sürətli istehsalı üçün ayrıca maliyyə sifariş vermişəm", - deyə Zelenski bildirib.