Xəbərlər
4.11.2024, 22:32
Arzu Yaqub qızı : Ölmədim ki,şəhid oldum - FOTO
Ölmədim ki,şəhid oldum
Vətən Müharibəsi şəhidimiz Əli Məmmədzadəyə həsr olunur.Allah məkanını cənnət eləsin şəhidim.
Bir ana oxşayır məzar daşını:
Nədən öz ananı atıb getmisən.
Hansı gül- çiçəyi qoxlayım bala,
Gözümün içində bitib getmisən.
Saatlar qaçsa da,ömür tələssə,
Günləri - günlərə calayır ana.
Şəhid balasının şəklinə baxıb
Elə taleyinə ağlayır ana.
Elə bir oğul ki verdi Vətənə,
Əzm, cəsarətlə getdi irəli.
Yağılara qənim oldu silahı,
Elimin, yurdumun igid əsgəri.
Bax anam keçmişəm dağdan-dərədən,
Kəlbəcər, Cəbrayıl, Füzulidən mən.
İndi ruhum gəzir azad Şuşamda,
Xarıbülbülünü görüb gəlmişəm.
Vətən torpağının hər bir qarışı,
Bizim canımızdan əzizdir ana.
Onsuz da həmişə səninləyəm mən,
Tez- tez girmirəmmi yuxularına ?..
Döyüşüb torpağa can qoymuşuq biz,
Düşmən işğalından azaddır yurdum.
Min oğul deməkdir təkcə birimiz,
Ana ölmədim ki, mən şəhid oldum.
Ana yollarımız odlu- alovlu
Vətən torpağına fəda canımız.
Üçrəngli bayrağım zirvədə hər an,
Zəfər tarixini yazdı qanımız.
Oğlum ürəyimin dərdi çox ağır,
Anam gözlərinin yaşını sil, sən.
Şəhidlik müqəddəs, şəhidlər ölməz,
Yaşasın azad el, var olsun Vətən.
Nədən öz ananı atıb getmisən.
Hansı gül- çiçəyi qoxlayım bala,
Gözümün içində bitib getmisən.
Saatlar qaçsa da,ömür tələssə,
Günləri - günlərə calayır ana.
Şəhid balasının şəklinə baxıb
Elə taleyinə ağlayır ana.
Elə bir oğul ki verdi Vətənə,
Əzm, cəsarətlə getdi irəli.
Yağılara qənim oldu silahı,
Elimin, yurdumun igid əsgəri.
Bax anam keçmişəm dağdan-dərədən,
Kəlbəcər, Cəbrayıl, Füzulidən mən.
İndi ruhum gəzir azad Şuşamda,
Xarıbülbülünü görüb gəlmişəm.
Vətən torpağının hər bir qarışı,
Bizim canımızdan əzizdir ana.
Onsuz da həmişə səninləyəm mən,
Tez- tez girmirəmmi yuxularına ?..
Döyüşüb torpağa can qoymuşuq biz,
Düşmən işğalından azaddır yurdum.
Min oğul deməkdir təkcə birimiz,
Ana ölmədim ki, mən şəhid oldum.
Ana yollarımız odlu- alovlu
Vətən torpağına fəda canımız.
Üçrəngli bayrağım zirvədə hər an,
Zəfər tarixini yazdı qanımız.
Oğlum ürəyimin dərdi çox ağır,
Anam gözlərinin yaşını sil, sən.
Şəhidlik müqəddəs, şəhidlər ölməz,
Yaşasın azad el, var olsun Vətən.
Son xəbərlər
Ən çox oxunanlar
- Bu gün
- Bu həftə
- Bu ay
