Arzu Yaqun qızı: FƏDAKAR QADIN

Xəbərlər

16.04.2024, 21:27

Arzu Yaqun qızı: FƏDAKAR QADIN - FOTO

FƏDAKAR QADIN

QARABAĞ MÜHARİBƏSİ ƏLİLƏRİ, VETERANLARI VƏ ŞƏHİD AİLƏLƏRİ İCTİMAİ BİRLİYİNİN BƏRDƏ RAYON ŞÖBƏSİNİN SƏDRİ ETİBAR XANIM HÜSEYNOVAYA HƏSR OLUNUR. ALLAH HƏYAT YOLDAŞINIZ AZƏRBAYCAN BAYRAĞI ORDENLİ BİRİNCİ QARABAĞ MÜHARİBƏSİ ŞƏHİDİ SƏRHƏD ZÖHRABBƏYOVUN MƏKANINI CƏNNƏT ELƏSİN. AMİN!

Bu ömrün yükünü necə çəkirsən,
Yarası könlünü dağlayan qadın.
Kiminsə dərdinə bir sığal çəkən,
Gecələr gizlicə ağlayan qadın.

İllərdir çəkmisən bəxtin acısın,
İgid ər itirdin şəhid qadını.
Min bir əziyyətlə, ləyaqətinlə
Hər an uca tutdun onun adını.

Kimsə bağçasında əkdi çiçəklər,
Şəhid məzarına gül qoydu balan.
Bəlkə sirdaş oldu yuxularına,
Heç adı düşmədi dil- dodağından.

Qayğılı gözlərdir zillənir sənə,
Özü öz qayğısın tək çəkən qadın.
Səbir darağında telin ağardıb
Dərdli könüllərdə ev tikən qadın.

Onun keçdiyi hər cığırdan , izdən,
Bəlkə xəyalında min yol keçmisən.
Ruhunu yolunda şəhid eləyib
Şəhadət şərbətin sən də içmisən.

Bunca sadəliklə, ləyaqətinlə,
Kişitək mərd qadın şəhid qadını.
Vətənə eşqinlə, sədaqətinlə
Yazdın ürəklərə məğrur adını.

Elə bir sevgi ki, illər uzunu
Nə ürəkdən itər, ömürdən itər.
Şəhid can qoyduğu ana torpaqda,
Zəfər çiçəkləri, gülləri bitər.

Gör neçə ümidə olmusan həyan,
Sən ki sevgisisən əzmin, inadın.
Bayraqdan ərinin ətrini alan,
Adı da özü tək fədakar qadın.

Nailə Əhmədova.

32 ildir tanıdığı və dostu Etibar xanımın keçdiyi həyat yoluna həsr edib.

Ömrünü şəhid ömrünə qatan bacım,
şəhid qayğıları ilə oyanıb yatan bacım.
Bu nə tale idi qismətinə çıxıb sənin
Mərdliyinə,qeyrətinə baxıb sənin
Daşıdığın adında hikmətinə baxıb sənin
Yaradanın sənə verdiyi inamından yarandın
Bax beləcə ən çətin bir həyat yaşayırsan
Sən neçə- neçə şəhidlərdən aldığın qayğılı bir ürək daşıyırsan.