Slovakiyanın paytaxtı Bratislavada keçirilən güləş üzrə U-20 dünya çempionatı sona çatıb.

Turaztv.az AZƏRTAC -a istinadən xəbər verir ki, sonuncu yarış günündə sərbəst güləşdə 70, 74, 97 və 125 kiloqramda medalçılar müəyyənləşib.

Hacı Kərimov (70 kiloqram) finalda iranlı Sina Mehdi Xəlili ilə qarşılaşıb. Rəqibinə 3:7 hesabı ilə məğlub olan Hacı gümüş medala layiq görülüb.

Yusif Dursunov (125 kiloqram) bürünc medal uğrunda görüşdə gürcüstanlı Aleksandre Abramişvili ilə güləşib. Qarşılaşmanın əvvəlindən təşəbbüsü ələ keçirən Yusif sonadək üstünlüyü davam etdirib və 6:0 hesablı qələbə ilə dünya üçüncüsü olub.

Beləliklə, güləşçilərimiz gənclərin dünya çempionatında 9 (1 qızıl, 4 gümüş, 4 bürünc) medal qazanıblar.