Xəbərlər
18.08.2026, 23:55
Afiq Göyçəli : „Cavan nəsilə yer verməyənlərə“
Vicdanın yoxdurmu, ay qoca kaftar?
Ver cavan nəsilə yerini daha,
Hörmətə sığal çək, yay, qoca kaftar.
Edibdir vəzifə səni bir təhər,
Kor baxma dünyaya, belində yəhər.
Tüstün çiləməmiş ətrafa zəhər,
Peşkəş et peşəni, pay, qoca kaftar.
Sərf et yaxşılığa ahil yaşını,
Qoşma artıq işə ağır başını.
Qırxın keçən kimi soyuq daşını
Öpən olmayacaq, day, qoca kaftar.
Sınıb-sökülməmiş, tez gəl özünə,
Təslim ol ətrafın müdrik sözünə.
Bir ovuc nümunə görsət yüzünə,
Yoxsa qalacaqsan zay, qoca kaftar.
Çoxları işində, səksəni keçib,
Elə bil bu millət gor suyu içib.
Afiq, sahibkarlar əsiri seçib,
Olma sən qanmaza tay, qoca kaftar...
Son xəbərlər
Ən çox oxunanlar
- Bu gün
- Bu həftə
- Bu ay
