Adı kimi əqidəsi də “polad” kimi möhkəm olan eloğlum, qədim Qəbələnin tarixi qəhrəmanlığını bir daha təsdiq edən Polad israyıl oğlu Həşimov öz adının əvvəlinə aid olan hər bir titulu və “ali” sözləri məhz öz insanlığı ilə qazanmışdır.
insanın könlünün məhbubu Vətən! Bu sözün ecazkarlığının sehrinə düşənlər vətənpərvər olurlar. O vətənpərvərlər isə la¬zım gələndə Vətənə canlı sipər, qayalarda mamır olub bitərlər. Məhz belə bir oğul idi Polad Həşimov!
Kimə bənzədim səni... Sən həyatını bənzərsiz yaşadın, özünə bənzərlər yaratmaq üçün... Altı il əvvəl Tovuz döyüşlərin¬də demək olar ki, qətl olunan 12 qəhrəmanın qəhrəmanlıq savaşında dəstəbaşı oldun. Qardaş, övlad saydıqlarının ölüm anın¬da belə mənəvi güc kimi real şəkildə yanında oldun - ölümsüzlük yolunda komandan oldun. Sən tarixə, tarix adına yazıldı Po¬lad qəhrəmanım! Sənin timsalında Tovuz döyüşlərinin şəhidləri Vəndam qəsəbəsində daima anılır. Sənə aid olan bu kiçicik guşə minlərlə insanın sənə sevgi ünvanı...

Səngər qəhrəmanı

Polad israyıl oğlu Həşimov 1975-ci ildə, yanvarın 2-də Vəndam qəsəbəsində doğulmuşdur. Hələ korpə ikən ailəsinin Sum¬qayıt şəhərinə köçməsi ilə əlaqədar uşaqlıq və gəncliyini Sumqayıt şəhərində yaşamışdır. Şəhərin əvvəlcə 28, sonra isə 34 saylı məktəblərində orta təhsil almış və Bakı Ali Hərbi Məktəbində təhsilini davam etdirmişdir.
Polad əsl hərbçi kimi yetişmiş, orduya xidmətə gələn gənclərə vətənpərvərliyi təlqin etmişdir. Yeni əsgərlərə də, rütbəcə ondan aşağı və yüksək olanlara da həmişə yaxın dost, sirdaş olmuş, onlara insanlıq baxımından yanaşmışdır. Məhz buna gö¬rə də milyonların sevgisini qazanmışdır. 2020-ci ilin iyul hadisələri zamanı da məhz səngərdə, əsgərlərinin yanında olmuş, xa¬in düşmənin atəşinə nişan olmuşdur.
Şəhid adı, şəhadətə qovuşma ölümlərin ən alisidir. Bu, insanlığın son nöqtəsidir. Bu, əbədiyaşarlıqdır və hər kəsə nəsib olmur bu şərəfli ölüm.


Xalq deyimləri həmişə insanların həyatında öz reallığını doğrultmuşdur. Polad haqqında deyilən hər kəlam onun qəhrə-manlığında öz əksini tapmışdır. Deyilir ki, müharibə məhz Polad qəhrəmanın şəhid olduğu andan “başlanıb”. Çünki minlərlə gənc torpaqlarımızın yağı tapdağından azad olunması və Polad kimi oğullarımızın öcünü almaq üçün hərbi komissarlıqlara üz tutdu... Silaha sarılaraq məhz Poladın döyüş yolunu davam etdirmək üçün könüllü olaraq döyüşmək arzularını bildirdilər. Zə¬fər qazanaraq, şəhidlərin ruhlarının narahatçılıqlarına son qoymaq istədilər. Ali Baş Komandanın əmrini gözlədilər. Və bu əmr verildi...

Vətən müharibəsi 44 gün ərzində qələbə ilə sona çatdı. igid general-mayor Poladın ölümü bu müharibənin başlanması üçün bir qığılcım oldu, Zəfər qazanılmasına isə Polad əqidəsi, Polad arzuları bir zəmin oldu...
Artıq Tovuz hadisələrindən 6 il keçir. Ancaq o hadisələrin qəhrəmanlıq səhifəsi daim xatırlanır və Polad Həşimov başda olmaqla şəhidlərimiz həmişə yad edilir, onların döyüş şücaətləri qəhrəmanlıq dastanı kimi xatırlanır. Onların hər biri milyonla¬rın sevimlisi!
Polad Həşimov - Azərbaycanın Milli Qəhrəmanı, general-mayor, Azərbaycanın Zəfər tarixini yazan öncüllərdəndir. Bütün dünyada - hərb sənətində, ordu quruculuğunda, milli-mənəvi zənginlikdə, vicdani böyüklükdə, insanlıq səviyyəsində ən ali bi¬ridir Polad! O, səngər qəhrəmanı, generalı, mayoru! Ünvanı isə insanlığın qəlbi; xalqın, tarixin qan yaddaşı, vətənpərvərliyin, milli-mənəvi zənginliyin qəlb yaddaşı!
Sənsiz açılan sabahlar, doğan günəşlər, titrəyən buludlar, coşan şimşəklər, hayqıran küləklər, çağlayan şəlalələr, gurlay- an çaylar səni xatırladır bu həyatda! Sən hər kəsin qəlbində bir vulkan - Vətən deyəndə püskürməyə hazır vulkan!
Məkanın cənnət olsun əbədiyaşar general!
.