Rusiyanın Altay Respublikasında dəhşətli hadisə baş verib.

Novosibirskdən olan 29 yaşlı Snejana nişanlısı ilə Biya çayının sahilində istirahət edərkən ayının hücumuna məruz qalıb.

Məlumata görə, gənc qadın Fövqəladə Hallar Nazirliyində yanğın nəzarəti üzrə inspektor işləyib. Cütlük istirahətdən əvvəl nişanlanıb. Lakin onların romantik səfəri faciə ilə nəticələnib.

Ayı gecə düşərgəyə yaxınlaşaraq Snejananı çadırdan çıxarıb və meşəyə sürüyüb. Nişanlısı yırtıcını qışqıraraq uzaqlaşdırmağa çalışsa da, heyvan buna reaksiya verməyib. Ayı qadını çayın o biri tərəfinə keçirərək ona ağır xəsarətlər yetirib.

Gənc qadın hadisə yerində ölüb, yaralanan nişanlısı isə xəstəxanaya yerləşdirilib.