Xəbərlər
6.12.2025, 13:41
ADSIZ BARMAĞINDA ADIMI DAŞI - FOTO
Ey çiçək, ətrindən bihuş olmuşam,
Eşqin badəsindən meyxoş olmuşam,
Məcnuna, Kərəmə tay-tuş olmuşam-
Yandırır ovcumu bir üzük qaşı,
Adsız barmağında adımı daşı.
Bir ümid üstündə yoğrulub mayam,
Elə yaranandan eşqəm, sevdayam,
Dost-tanış qınayır, niyə subayam-
Gəl güldürmə mənə dostu, sirdaşı,
Adsız barmağında adımı daşı.
Keçdim bu sevdanın selindən daha,
Özgə bir ad çıxmaz dilimdən daha,
Elçilər də bezib əlimdən daha-
Gülüm, ətəyindən gəl tök bu daşı,
Adsız barmağında adımı daşı.
Qəmzən neçə qəlbi yaxdı, bilirsən,
Hər kəsdə ər qəlbi yoxdu, bilirsən,
Əl çəkmərəm, qəlb ayaqdı, bilirsən-
Xəlil səni etsin ömür yoldaşı,
Adsız barmağında adımı daşı.
Eşqin badəsindən meyxoş olmuşam,
Məcnuna, Kərəmə tay-tuş olmuşam-
Yandırır ovcumu bir üzük qaşı,
Adsız barmağında adımı daşı.
Bir ümid üstündə yoğrulub mayam,
Elə yaranandan eşqəm, sevdayam,
Dost-tanış qınayır, niyə subayam-
Gəl güldürmə mənə dostu, sirdaşı,
Adsız barmağında adımı daşı.
Keçdim bu sevdanın selindən daha,
Özgə bir ad çıxmaz dilimdən daha,
Elçilər də bezib əlimdən daha-
Gülüm, ətəyindən gəl tök bu daşı,
Adsız barmağında adımı daşı.
Qəmzən neçə qəlbi yaxdı, bilirsən,
Hər kəsdə ər qəlbi yoxdu, bilirsən,
Əl çəkmərəm, qəlb ayaqdı, bilirsən-
Xəlil səni etsin ömür yoldaşı,
Adsız barmağında adımı daşı.
X.Mirzə, 07.10.1998
Son xəbərlər
Ən çox oxunanlar
- Bu gün
- Bu həftə
- Bu ay
