Qəzza zolağından İsrailin cənubuna yeni raket zərbəsi endirilib.

"Turaztv.az" "Report"-a istinadən xəbər verir ki, bu barədə İsrail Müdafiə Ordusunun mətbuat xidməti məlumat yayıb.

Məlumata görə, Qəzza zolağının şimalından radikallar tərəfindən buraxılan raket İsrailin cənubundakı yaşayış olmayan ərazidə partlayıb.

Bununla bağlı Fələstin anklavı ilə sərhədə yaxın yerləşən Kissufim kəndində hava hücumu xəbərdarlığı elan edilib.

Xatırladaq ki, 2023-cü il oktyabrın 7-də Fələstinin radikal HƏMAS hərəkatının silahlı tərəfdarlarının Qəzza zolağından İsrail ərazisinə soxulmasından, sərhədyanı kəndlərdə sakinlərin öldürülməsindən və 250-yə yaxın insanın girov götürülməsindən sonra Yaxın Şərqdə vəziyyət kəskin şəkildə pisləşib.