Alimlər astronomiya elmi tarixində ilk dəfə kainatın beş dəfə yavaş hərəkət etdiyini müşahidə ediblər.

AZƏRTAC BBC telekanalına istinadla xəbər verir ki, tədqiqatçılar kainatın başlanğıcına yaxın vaxtı ölçmək üçün erkən qalaktikaların mərkəzindəki superkütləli qara dəliklərlə təchiz edilmiş kvazarlardan əldə edilən məlumatları müqayisə ediblər. Kvazarlar məlum olan ən parlaq və ən uzaq səma cisimləri arasındadır.

Sidney Universitetindən professor Geraint Lyuis bildirib ki, bu məlumatlar getdikcə genişlənən kainatda yaşadığımızı bir daha təsdiqləyir. “Nature Astronomy” jurnalında dərc olunan tədqiqatın aparıcı müəllifi professor Lyuis əlavə edib: “Kainatın bir milyard ildən bir qədər əvvəlki bir dövrünə nəzər salsaq, zamanın [Böyük Partlayışdan qısa müddət sonra] beş dəfə daha yavaş axdığını görürük”.

NASA-nın məlumatına görə, kvazarlar qaz, toz və digər maddələrin üzərinə hoparaq enerjini partladan "superkütləli" qara dəliklər tərəfindən idarə olunan parlaq obyektlərdir. Oklend Universitetindən astrofizik professor Lyuis və astrostatistik Brendan Brever 20 il ərzində 200-ə yaxın kvazarın rənglərinə baxıblar. Daha sonra onlar hər bir kvazarın dəyişməsini standartlaşdıra biliblər. Bütün bunların nə demək olduğunu izah edən tədqiqatçılar proseslərin Albert Eynşteynin ümumi nisbilik nəzəriyyəsinin gözləntilərini təsdiqlədiyini qeyd ediblər. Yəni, uzaq kainatın indiki vaxtdan daha yavaş hərəkət etdiyi müşahidə olunur.

Professor Lyuis əlavə edib: “Eynşteynin sayəsində biz bilirik ki, zaman və məkan bir-birinə bağlıdır və Böyük Partlayışdan sonra kainat genişlənir. Kosmosun bu genişlənməsi o deməkdir ki, ilkin kainatla bağlı müşahidələrimiz bugünkü zaman axınından çox yavaş olmalıdır. Bu tədqiqatla biz bunu Böyük Partlayışdan təxminən bir milyard il sonra müəyyən etdik."

Alimlər bildirirlər ki, kainatın genişlənməsi davam edəcək və o, getdikcə böyüyəcək və boşalacaq.