ABAD məhəllədə Nərimanov Rayon Gənclər və İdman İdarəsinin və Azərbaycan Kəndirlə Mübarizə İdmanı İctimai Birliyinin birgə təşkilatçılığı ilə yeniyetmələr və gənclər arasında kəndirlə mübarizə idman növü üzrə tədbir keçirilib.

Turaztv.az AZƏRTAC-a istinadən xəbər verir ki, tədbirdə müxtəlif musiqili-nümunəvi çıxışlar təqdim edilib. Bütün yaş kateqoriyalarından olan 100 nəfərdən artıq insan müxtəlif qruplara bölünərək kəndirlə mübarizədə öz güclərini sınayıblar.

Sonda iştirakçılar təşkilatçılar tərəfindən sertifikatlarla təltif olunublar.

Qeyd edək ki, əyləncəli idman tədbirinin təşkilində məqsəd kütlə arasında kəndirlə mübarizə idman növünün təbliği, idmana marağın artırılması, sağlam həyat tərzinə çağırış, asudə vaxtın səmərəli təşkilidir.