Birləşmiş Ştatlar Əfqanıstandan təxliyə olunmuş qaçqınların ölkəyə yerləşdirilməsi proqramını genişləndirərək minimum 50 min nəfərə çatdırmaq niyyətindədir.

Turaztv.az AZƏRTAC-a istinadən Amerika telekanallarına istinadla xəbər verir ki, bunu ABŞ silahlı qüvvələrinin Şimal komandanlığının başçısı general Qlen Van Xyerk bu gün keçirilən brifinqdə bildirib. Onun sözlərinə görə müvafiq plan üzərində iş gedir və hazırda həmin rəqəm 25,6 min nəfər təşkil edir. General əlavə edib ki, təxliyə olunan bütün qaçqınlara yaşayış yeri, ərzaq, tibbi yardım təqdim olunur.

ABŞ Kabildən mülki şəxslərin və öz hərbi missiyasının təxliyəsini avqustun 30-da yekunlaşdırıb. Bununla da 11 sentyabr terror aktlarına cavab olaraq 2001-ci ilin oktyabrında başlamış “Sarsılmaz azadlıq” əməliyyatına son verilib.