TƏBRİK EDİRİK!


Hər yeni gün onun üçün yalnız iş saatlarının başlanğıcı deyil, yeni talelərə toxunmaq, ağrıları yüngülləşdirmək və insanların sabaha inamını gücləndirmək deməkdir. Yorğunluğunu gizlədərək hər xəstəni eyni qayğı ilə qarşılayan bu zərif, lakin güclü insan, peşəsini, sadəcə, icra etmir, onu yaşayır.Qadın həkim həyatın ən çətin anlarında insanlara dayaq olur. O, sevinc göz yaşlarına da, kədər dolu baxışlara da şahidlik edir. Hər sağalan xəstə də öz zəhmətinin bəhrəsini görür, hər təşəkkür sözündə peşəsinin ən qiymətli mükafatını tapır.
Onun mərhəməti bahar yağışı kimi qəlblərə rahatlıq gətirir, biliyi qaranlıq gecədə yanan bir çıraq kimi yol göstərir. Gücü səsində deyil, səbrindədir, böyüklüyü vəzifəsində deyil, insanlara göstərdiyi sevgidədir.
Cəmiyyətin sağlam gələcəyini qoruyan qadın həkimlər yalnız xəstəlikləri müalicə etmirlər. Onlar ümidi yaşadır, inamı gücləndirir, insan həyatına dəyər qatırlar. Ağ xalat onların peşəsinin rəmzidirsə, mərhəmət onların əsl kimliyidir.
Qadın həkim zərifliyin və gücün, elmin və şəfqətin, fədakarlığın və insan sevgisinin ən gözəl vəhdətidir. Onların işığı yalnız xəstəxana divarlarını deyil, toxunduqları hər qəlbi də aydınladır.
Bakı reabilitasiya Mırkızinin fizioterapevti, reabitoloqu Günay Fəfiyeva da belə xeyirxah, səmimi, öz peşəsinin sirrini və qədrini bilən, öz işinin öhdəsindən layiqincə gələn həkimlərdəndir. Bu gün onun ad günüdür.
Bu gözəl, xoş gün münasibətilə Günay xanımı qəlbən təbrik edir, ona möhkəm cansağlığı, uzun və xoşbəxt ömür, ailəsi ilə birlikdə sevinc, iş həyatında isə daim uğur və nailiyyətlər arzulayırıq.
Şəfqəti, peşəkarlığı və insanlara göstərdiyi qayğı ilə bir çox insanın həyatına ümid və sevinc bəxş edir. Göstərdiyi zəhmət və fədakarlıq hər zaman yüksək dəyərə layiqdir.
Yeni yaşı Günay həkimə yeni uğurlar, gözəl xatirələr, tükənməz enerji və sonsuz xoşbəxtlik gətirsin. Qoy hər günü sağlamlıq, sevgi, rahatlıq və gözəl xəbərlərlə dolu olsun.
Allah Günay xanımı qorusun, ömrünü bərəkətli, yolunu daim açıq etsin. Çöhrəsindən təbəssüm, qəlbindən sevinc əskik olmasın.
Ad gününüz mübarək, Günay xanım!

Cəmil ZƏBHULLAOĞLU,
AJB-nin üzvü, şair-publisist