BİTMƏSİN AllAH

Elə sakit məkan səssizlik olsun,
Çöl-çiçək ətiri qəlbimə dolsun,
Bülbüllər bağçaya eşq ilə qonsun,
Orda bayağılıq olmasın Allah.

İki üzlü insan düşük əməllər,
Nə yağlı yalancı, şit fason dillər,
Nə də yan yörəmdə o, süni güllər,
Lazımsız tikanlar bitməsin Allah.

Bayağı təriflər, mənasız üzlər,
Min cürə baxışla baxan o, gözlər,
Şumlanan torpaqda kəsək tək sözlər,
Haqqlar ayaqlanıb itməsin Allah.

Dərdlərin içində yatan ümüdlər,
Tanrıdan tək bircə azadlıq dilər,
Qabarlı, zəhmətkeş, çadarlı əllər,
Dünyadan gileyli getməsin Allah.

Şəhlayam dözürəm can çəkə-çəkə,
Qəlbimi haqsızlıq hey sökə -sökə,
Etdiyim insanlıq göz görə-görə,
Haqqlar yanında itməsin Allah,
Sənə ümüdlərim bitməsin Allah.

Şəhla Xəlilqızı