Axı söz vermişdin, niyə gəlmədin?
Gözlərim yollara dikili qaldı...
Bir səsin yetərdi sənə çatmağa,
Xəyalın heyf ki, təsəllim oldu.

Pəncərəm önündə ay da kədərli,
Mənimlə əkizdir həsrət içində.
Küləklər saçımı oxşayıb keçir,
Sənin əlindimi o, bu biçimdə?!

Bir addım səsinə möhtacam deyim,
Ömrümdə sən yoxsan, durubdur zaman.
Ümidim ulduztək işıldar sanki,
Gələcək, deyərək yaşayır bu can.

Bəlkə də gecənin bir səssiz anı,
Qapımı döyəcək vüsalın sənin.
Onda şükr edərəm, hədər getməmiş
Gələrsən, silinər ruhumun çəni.

Məlahət Behbud Qızı Poeziyasına Ədəbi Bədii Baxış:

Niyə gəlmədin

Axı söz vermişdin, niyə gəlmədin?
Gözlərim yollara dikili qaldı...
Bir səsin yetərdi sənə çatmağa,
Xəyalın heyf ki, təsəllim oldu.

Pəncərəm önündə ay da kədərli,
Mənimlə əkizdir həsrət içində.
Küləklər saçımı oxşayıb keçir,
Sənin əlindimi o, bu biçimdə?!

Bir addım səsinə möhtacam deyim,
Ömrümdə sən yoxsan, durubdur zaman.
Ümidim ulduztək işıldar sanki,
Gələcək, deyərək yaşayır bu can.

Bəlkə də gecənin bir səssiz anı,
Qapımı döyəcək vüsalın sənin.
Onda şükr edərəm, hədər getməmiş
Gələrsən, silinər ruhumun çəni.
@актуальное
Məlahət Behbudqızı ✍️

Şeirin Bədii Təhlili:

Məlahət Behbud Qızı tərəfindən qələmə alınmış bu misralar klassik həsrət və intizar mövzusunu lirik bir dillə ifadə edir.
Şeir vəfasıza müraciət deyil, daha çox ümidini itirməyən bir aşiqin daxili monoloqudur. Burada həm sitem (gəlmədiyinə görə), həm də sonsuz bir gözlənti var.
Müəllif təbiət hadisələri ilə insanın daxili aləmi arasında paralel qurur. Ayın kədərli olması (təşxis) və küləyin saçları oxşamasının "yar əli" ilə müqayisəsi duyğuların intensivliyini artırır.
"Durubdur zaman" ifadəsi aşiqin yalnızlıq anındakı psixoloji durumunu göstərir. Onun üçün həyat yalnız sevgilinin gəlişi ilə yenidən başlaya bilər.
Şeirin sonunda "vüsalın qapını döyməsi" ehtimalı, kədərin içində parlayan bir işıq – nikbin sonluq arzusudur. "Ruhun çəni" ifadəsi isə kədəri duman kimi təsvir edərək bədii obrazlılığı tamamlayır.
Qısacası, bu nümunə lirik qəhrəmanın hicran ağrısını və sönməyən vüsal ümidini poetik şəkildə əks etdirən uğurlu bir "gözlənti" şeiridir.
Sizə cansağlığı və bütün işlərinizdə uğurlar arzulayıram, dəyərli Məlahət xanım!

✍ Sevil Azadqızı