İsrailin müdafiə naziri Yoav Qalant bazar günü ABŞ-a məktub göndərərək daha 25 F-35 qırıcı-bombardmançı təyyarəsinin alınmasını xahiş edib.

Turaztv.az AZƏRTAC-a istinadən xəbər verir ki, bu barədə “The Jerusalem Post” qəzeti məlumat yayıb.

Nazirlik ABŞ-dan əlavə təyyarələrin nə vaxt alınacağını dəqiqləşdirməyib. Bununla belə, qəzet mənbələrə istinadla qeyd edir ki, tərəflər bu il ərzində sorğunun təsdiqi prosedurunu başa çatdırmağı planlaşdırırlar. Eyni zamanda, yeni F-35-lər 2026-2027-ci illərdə İsrailə çata bilər.

Qeyd edək ki, bu tədarük baş tutarsa, İsrailin sərəncamında bu tip 75 təyyarə olacaq.