Xəbər verdiyimiz kimi, fövqəladə hallar nazirinin müavini, daxili xidmət general-leytenantı Nazim Məmmədov dünyasını dəyişib. O, ötən gün uzun sürən xəstəlikdən sonra vəfat edib.

Qaynarinfo-nun məlumatına görə, Nazim Məmmədov 1951-ci il oktyabrın 8-də Naxçıvan Muxtar Respublikası Ordubad şəhərində anadan olub.

Əmək fəaliyyətinə 1973-cü ildə Ordubad şəhərində baytarlıq stansiyasında başlayıb. 1976-1995-ci illərdə Ordubad şəhərində müxtəlif təşkilatlarda işləyib.

1995-ci ildən Azərbaycan Respublikası Dövlət Gömrük Komitəsində çalışırdı. 1999-cu ildə isə Təfəkkür Universitetinin hüquq fakultəsini bitirib. 2007-ci ilin dekabrından Azərbaycan Respublikası Dövlət Gömrük Komitəsinin sədr müavini, gömrük xidməti general-leytenantı olub. 2018-ci ilin iyulunda fövqəladə hallar nazirinin müavini təyin edilib.

Mərhum general ailəli idi, 3 övladı var.