Xəbərlər
25.08.2022, 22:21
Məsləhət - Şahin FAZİL
Məsləhət
Dünən Qubaya zəng vurub bir tanış qız məndən məsləhət istədi. Məsləhət verdim.
Gözün bir şairə düşübdür sənin,
Kimə gedirsən get şairə getmə.
Başqası olmazmı məgər sevənin,
Kimə gedirsən get şairə getmə.
Neçə ovçu olur, neçə ov olur...
Adam var dalınca qovha-qov olur...
Bilmirsən şairlər dəlisov olur?
Kimə gedirsən get şairə getmə.
Avarası vardır, var sərsərisi,
Nigar sərsərisi, yar sərsərisi,
Hər şairin olur ilham pərisi,
Kimə gedirsən get şairə getmə.
Halvası şirinsə, halvaçıya get,
Nəfəsi dərinsə zurnaçıya get,
Kərbəlayiyə get, lap Hacıya get,
Kimə gedirsən get şairə getmə.
İstər qohuma get istər yada get,
İstər sevmədiyin quru ada get,
İstəsən müasir Məşdibada get,
Kimə gedirsən get şairə getmə.
Xəyalpərəsət olur, dalğın olurlar,
Kədərli olurlar, məhzun olurlar,
Şairlər axırda Məcnun olurlar,
Kimə gedirsən get şairə getmə.
Şairin şer tək cananı olur,
Qoşmanın, qəzəlin heyranı olur,
Hərdən də aşıqlıq dövranı olur,
Kimə gedirsən get şairə getmə.
Yerdə həm sevinci, həm qəmi olur,
Göydəki mələklər həmdəmi olur,
Şairin təzadlı aləmi olur,
Kimə gedirsən get şairə getmə.
Diqqət verməyib dost-tanışa, gedir,
Özü ilə danışa-danışa gedir.
Sözü ilə danışa-danışa gedir.
Kimə gedirsən get şairə getmə.
Düşünmə hər şair təmkinli olur,
Həm aram görünür, həm kinli olur,
Həm mülayim olur, həm cinli olur,
Kimə gedirsən get şairə getmə.
Xülya dəryasına batası olur,
Dəlilik həddinə çatası olur,
Onun əvvəl-axır xatası olur,
Kimə gedirsən get şairə getmə.
Həvəsi qalınca danışan olur,
Nəfəsi qalınca danışan olur,
Dövlətin dalınca danışan olur,
Kimə gedirsən get şairə getmə.
Bu günki zamanda rəğbəti olmur,
Nizamilər boyda hörməti olmur,
Onun şeri olur, sərvəti olmur,
Kimə gedirsən get şairə getmə.
Xəyal uçuşuna qadir deyiləm,
Sözdə o qədər də mahir deyiləm,
İstəsən mənə gə,l şair deyiləm,
Kimə gedirsən get şairə getmə!!!
Şahin FAZİL
21.08.2022 Quba
Kimə gedirsən get şairə getmə.
Başqası olmazmı məgər sevənin,
Kimə gedirsən get şairə getmə.
Neçə ovçu olur, neçə ov olur...
Adam var dalınca qovha-qov olur...
Bilmirsən şairlər dəlisov olur?
Kimə gedirsən get şairə getmə.
Avarası vardır, var sərsərisi,
Nigar sərsərisi, yar sərsərisi,
Hər şairin olur ilham pərisi,
Kimə gedirsən get şairə getmə.
Halvası şirinsə, halvaçıya get,
Nəfəsi dərinsə zurnaçıya get,
Kərbəlayiyə get, lap Hacıya get,
Kimə gedirsən get şairə getmə.
İstər qohuma get istər yada get,
İstər sevmədiyin quru ada get,
İstəsən müasir Məşdibada get,
Kimə gedirsən get şairə getmə.
Xəyalpərəsət olur, dalğın olurlar,
Kədərli olurlar, məhzun olurlar,
Şairlər axırda Məcnun olurlar,
Kimə gedirsən get şairə getmə.
Şairin şer tək cananı olur,
Qoşmanın, qəzəlin heyranı olur,
Hərdən də aşıqlıq dövranı olur,
Kimə gedirsən get şairə getmə.
Yerdə həm sevinci, həm qəmi olur,
Göydəki mələklər həmdəmi olur,
Şairin təzadlı aləmi olur,
Kimə gedirsən get şairə getmə.
Diqqət verməyib dost-tanışa, gedir,
Özü ilə danışa-danışa gedir.
Sözü ilə danışa-danışa gedir.
Kimə gedirsən get şairə getmə.
Düşünmə hər şair təmkinli olur,
Həm aram görünür, həm kinli olur,
Həm mülayim olur, həm cinli olur,
Kimə gedirsən get şairə getmə.
Xülya dəryasına batası olur,
Dəlilik həddinə çatası olur,
Onun əvvəl-axır xatası olur,
Kimə gedirsən get şairə getmə.
Həvəsi qalınca danışan olur,
Nəfəsi qalınca danışan olur,
Dövlətin dalınca danışan olur,
Kimə gedirsən get şairə getmə.
Bu günki zamanda rəğbəti olmur,
Nizamilər boyda hörməti olmur,
Onun şeri olur, sərvəti olmur,
Kimə gedirsən get şairə getmə.
Xəyal uçuşuna qadir deyiləm,
Sözdə o qədər də mahir deyiləm,
İstəsən mənə gə,l şair deyiləm,
Kimə gedirsən get şairə getmə!!!
Şahin FAZİL
21.08.2022 Quba
Son xəbərlər
Ən çox oxunanlar
- Bu gün
- Bu həftə
- Bu ay
