Xəbərlər
14.07.2026, 14:32
Paylaşımsız həyat yoxdur
Jurnalist
Paylaşımlar ünvanını düzgün taparsa, anlaşılarsa, xeyirli olarsa həyatın gözəlliyinə də rövnəq qatar.
Təəssüf ki, paylaşımlar hər zaman sevindirici olmur. Amma onların hər biri həyati ehtiyacların əsas simasıdır.
Təkliyi sevənlər belə bu ehtiyacdan tam aralı qala bilmir.
İnsanların heç biri ömür boyu tək yaşaya bilməz.
Dünya birliyin pafosudur. Saysız düşüncələr, fikirlər, xarakterlər, bacarıqlar, biliklər, arzular saysız qurumlarda birləşir.
Ailə də, iş də, təhsil də, yaradıcılıq da və siyasət də saysız fərqli həyati birliklərdir.
İllər boyu bu birliklərlə inkişaf yolu paylaşımlardan keçib.
Bacarıqlar, biliklər, fəaliyyətlər paylaşımdan yaranıb, paylaşıma tabe olub.
Paylaşımsız həyat yoxdur.
Aramızda bildiyini, sərvətini gizlədənlər var. Amma onların heç biri də paylaşımdan tam kənarda qala bilmir.
Ətrafımıza bağlılıq həyati tələbatdır.
Bu tələbat heç birimizi heç bir paylaşımdan qıraqda qoya bilməz.
Xarakterlər şəxsi həyata təsir edə bilər, paylaşım ehtiyaclarını isə aradan qaldırmır.
Bu ehtiyaclar nə qədər fərqli olsa da – var, yaşayır, olacaq.
Onun dünyəvi zolaqları artıq kainatı da sarmış.
Paylaşımlar iki-üç insan arasında da ola bilər, dünyanı da sarsıda bilər. Bu sarsıntıların mənəvi anlamı da fərqli olur.
Duyğusal fırtınalar da fərqli paylaşımlara ehtiyac duyur.
Paylaşımlar paylaşımlar yaradır, insanlığı yaşadır, ömrün mənasına çevrilir.
Düzgün, səhv, yalan paylaşımlar da mübarizədədir.
Nə isə öyrənmək istəyi hər zaman lazımı yolla irəliləmir. Hər zaman çoxluq arxasınca addımlamalıyıq. Hərdən qaçmaq da lazım olur – şəxsi bacarıqlarına tən gələn yolda olsan...
Qəlbini, canını belə paylaşanlar olan bu dünyada ömür salnamələri duyğuların təlatümünə tuş gəlsə də yaşam arzusu tükənmir.
Hər kəsə paylaşımlarını anladığımız, paylaşım etmək istədiyiniz insanlar arasında olmasını arzu edirəm.
Əks halların kəskin təzahürünə uymayaq.
Xeyir də, şər də öyrəntilərə dəstəkdir.
Pisliyi görməsək, yaxşılığın qədrini bilmirik.
Əsas odur ki, düzgün yolda olaq. Bu yolun durğun olduğuna inamı isə paylaşımların çoxluğu verir.
Paylaşım cəsarətimiz də tükənməsin.
Son xəbərlər
Ən çox oxunanlar
- Bu gün
- Bu həftə
- Bu ay
