Milli geyimdə səhnəyə çıxan Sahibə xanım öz zərif davranışı, yüksək mədəniyyəti və sənətə sonsuz sevgisi ilə tədbir iştirakçılarının diqqətini ilk andan cəlb etdi. Onun ifasında səslənən muğam parçaları və şikəstə mərasimin bədii dəyərini daha da artırdı, tədbirə xüsusi ruh və ahəng bəxş etdi.

Muğam Azərbaycan xalqının əsrlər boyu formalaşmış mənəvi sərvətidir. Bu sənəti yaşatmaq, onu sevdirmək və yeni nəsillərə çatdırmaq isə böyük məsuliyyət tələb edir. Sahibə Abdullayeva uzun illərdir ki, bu müqəddəs missiyanı şərəflə yerinə yetirən sənətkarlarımızdandır. Onun ifasında muğam sadəcə musiqi deyil, xalqın yaddaşı, tarixi, sevinci və kədəri kimi səslənir.
Tədbir zamanı ifa etdiyi muğam parçaları, şikəstələr və xalq mahnıları iştirakçılar tərəfindən böyük maraq və alqışla qarşılandı. Onun zəngin repertuarı, məlahətli səsi və yüksək ifaçılıq məharəti mərasimə xüsusi rəng və mənəvi gözəllik bəxş etdi.

Sahibə Abdullayeva tədbir boyunca ifa etdiyi muğamlar, şikəstələr və bir-birindən gözəl xalq mahnıları ilə iştirakçıları milli musiqimizin ecazkar dünyasına apardı. Onun sənətkarlığı və səmimi ifası hər kəsin qəlbində xoş duyğular oyatdı.
Onun səsindəki məlahət, ifasındakı peşəkarlıq və səhnə mədəniyyəti bir daha təsdiqlədi ki, əsl sənət zamanın sınağından keçərək yaşayır və insanlara mənəvi qida verir.
Sahibə xanımın ifasında eşitdiyimiz hər bir musiqi parçası milli köklərimizə bağlılığın, xalq musiqisinə sevginin və sənətə sədaqətin təcəssümü idi. O, öz sənəti ilə yalnız musiqi təqdim etmir, həm də milli-mənəvi dəyərlərimizin təbliğinə xidmət edir.
Bu gün Azərbaycan mədəniyyətinin inkişafında, muğam sənətinin yaşadılmasında və təbliğində Sahibə Abdullayevanın xüsusi xidmətləri vardır. O, uzun illər ərzində öz zəhməti, istedadı və sənətə olan sevgisi ilə dinləyicilərin rəğbətini qazanmış, muğam sənətimizin, xalq mahnılarımın layiqli təmsilçilərindən birinə çevrilmişdir.

Mənim yubiley tədbirimdə iştirakı və yüksək sənət nümunələri ilə mərasimə xüsusi rəng qatması mənim üçün çox dəyərli oldu. Onun ifaları tədbirin yadda qalan ən gözəl anlarından biri kimi iştirakçıların xatirəsində yaşayacaq.
Sənətkarın səhnədəki hər çıxışı milli musiqimizə olan böyük sevgisinin, sənətinə sonsuz sədaqətinin və peşəkarlığının təzahürüdür. Belə sənət adamlarının fəaliyyəti gənc nəslin milli musiqimizə marağının artmasına, mədəni irsimizin yaşadılmasına və gələcək nəsillərə ötürülməsinə mühüm töhfə verir.
Fürsətdən istifadə edərək hörmətli Sahibə Abdullayevaya Azərbaycan mədəniyyətinin inkişafı naminə gördüyü işlərə, milli musiqimizin yaşadılması və təbliği istiqamətindəki xidmətlərinə görə təşəkkürümü bildirir, ona möhkəm cansağlığı, yeni yaradıcılıq uğurları və uzun sənət ömrü arzulayıram.
Belə sənətkarların varlığı milli mədəniyyətimizin zənginliyinin, mənəvi gücünün və yaşarlılığının ən gözəl göstəricisidir.
Təranə Cəbiyeva
Yazıçı-publisist