Ukrayna Müdafiə Nazirliyinin rəhbəri Rustem Umerov, Prezident Volodimir Zelenskinin ofisinin rəhbəri Andrey Yermak və energetika naziri German Qaluşenko iyulun 2-də Vaşinqtona gedəcəklər.

Turaztv.az “Qafqazinfo”-ya istinadən xəbər verir ki, bu barədə “Politico” məlumat yayıb.

“Onların əsas vəzifəsi ABŞ və alyansın gələn həftə keçiriləcək sammitində Kiyevə hansı təhlükəsizliyə təminat verməyə hazır olduqlarını öyrənməkdir”, - məlumatda bildirilir.

Bildirilib ki, Ukrayna nümayəndə heyətini ABŞ prezidentinin milli təhlükəsizlik üzrə müşaviri Ceyk Sallivan qəbul edəcək.

Qeyd olunur ki, Volodimir Zelenski də ABŞ paytaxtında keçiriləcək sammitə dəvət olunub.