Azərbaycanın daha bir yunan-Roma güləşçisi Rumıniyanın paytaxtı Buxarestdə keçirilən Avropa çempionatında gümüş medal qazanıb.

Turaztv.az AZƏRTAC-a istinadən xəbər verir ki, 72 kiloqram çəki dərəcəsində çıxış edən Ülvü Qənizadə finalda türkiyəli Səlçuk Cana məğlub olaraq fəxri kürsünün ikinci pilləsinə qalxıb.

Bu çəki dərəcəsində bürünc medallardan birinə Ukraynanı təmsil edən azərbaycanlı güləşçi Pərviz Nəsibov sahib çıxıb.

Qızıl mükafat uğrunda qadınların yarışında Mariya Stadnik (50 kiloqram) türkiyəli Evin Demirhan, Alyona Kolesnik (59 kiloqram) ukraynalı Alina Filipoviçlə üz-üzə gələcək.

Qeyd edək ki, bundan əvvəl yunan-Roma güləşçilərindən Nihad Məmmədli (60 kiloqram), Murad Məmmədov (63 kiloqram) və Həsrət Cəfərov (67 kiloqram) qızıl, Rəşad Məmmədov (55 kiloqram) gümüş, Beka Kandelaki (130 kiloqram) bürünc medalın sahibi olub.

Azərbaycan fevralın 18-dək davam edəcək Avropa çempionatında 25 güləşçi ilə təmsil olunur.