QIZBƏS QƏBƏLƏ - MƏNƏ GÖSTƏRMƏYİN ŞƏHİD ŞƏKLİNİ

Xəbərlər

8.10.2022, 01:06

QIZBƏS QƏBƏLƏ - MƏNƏ GÖSTƏRMƏYİN ŞƏHİD ŞƏKLİNİ

Mənə göstərməyin şəhid şəklini,
Mən dözə bilmirəm o baxışlara....
Basıb ürəyimə şəhid əksini,
Necə qərq edirəm gör, yagışlara...

Baxır o şəkildən bizə nə qədər,
Neçə xəyalları, arzusu talan...
Gör neçə ömürlər gedibdi hədər,
Muradı gözündə, sevgisi nalan...

Nə yaman əsdin sən ey badi - səba !
Bu heç oxşamadı, əsən küləyə...
Mən heyrət edirəm bizdəki taba,
Üst - üstə yükləyib dərdi ürəyə.

Mənə göstərməyin şəhid şəklini,
Vallah parça - parça parçalanıram.
Artıq öyrənmişəm kədər dilini,
Bax gör kədərimdıən necə yanıram....

Agla sən ey bulud, bu dərdə agla,
Nakam məzarların üstünə çilən !
Sən də çax ey şimşək, gurulda, çagla,
Nur kimi onların üstə səpələn !

Mənə göstərməyin şəhid şəklini,
Qanadı qırılmış quşa dönürəm...
Mənə göstərməyin şəhid şəklini,
Donuram, önündə daşa dönürəm...

Daglar da biz çəkən ,, dag " ı çəkəmməz.
Bir gözümüz gülür, biri aglayır.
Şəhidlər, ölməzdir, Vətən bölünməz,
Ugrunda ölənlər sinə daglayır...

Mənə göstərməyin şəhid şəklini,
Bilirəm qəhrəman igiddir, mərddir.
Amma düşün a dost böyük itgini,
Bir ogul itirmək , nə böyük dərddir..
Bir oğul itirmək nə böyük dərddir...