Şəhla Xəlilqızı - GƏLİN QAZİLƏRİMİZİ TANIYAQ

Xəbərlər

8.12.2021, 23:48

Şəhla Xəlilqızı - GƏLİN QAZİLƏRİMİZİ TANIYAQ - FOTO

GƏLİN QAZİLƏRİMİZİ TANIYAQ.

Qəbələ rayon Vəndam Qəsəbə sakini Muradov Turan Xudat oğlu. 25.10.2020-ci ildə Xocavənd Fizuli uğrunda gedən döyüşlərdə 120 ili minaya düşməsi nəticəsində çox sayda qəlpə yarası almışdır. Azərbaycanda həm də Türkiyədə müalicə olunmuşdu. Bədəninin riskli bölgələrində həyatı risk daşıdığı 9 qəlpə var. Prezdentin sərancamı ilə beş medala layiq görülüb. "Cəsur döyüşçü", "Xocavənd uğrunda", "Fizuli uğrunda", "Şuşa uğrunda". Qazimizin hal-hazırda ev şəraitində müalicəsi davam edir.

QAZİ TURANIM.

Düşmənlə üz-üzə döyüşə qalxıb,
Vətən bayrağını köksünə sıxıb,
Doğma Qarabağa fəxrlə baxıb,
Sinəsi qəlpəli qazi Turanım.

Canından pay verdin vətən yolunda,
Hissiyat duymayır dizin-qolunda,
Qələbə qazandın axır sonunda,
Sinəsi qəlpəli qazi Turanım.

Canlı əmanətsiz siz şəhidlərdən,
Vəsiyyət çiynində var igidlərdən,
Danışın bizlərə o, ölməzlərdən,
Sinəsi qəlpəli qazi Turanım.

Əbədi yarımcan oldun həyatda,
Azadlıq eşqiylə alışdın odda,
Qaldı tarixləşib əbədi yadda,
Sinəsi qəlpəli qazi Turanım.

Qanadın çalaraq ötüşsə illər,
Daşıdığın qəlpə qəlbini dələr,
Ağrıdan, acıdan dolanda gözlər,
Şəhla bibi çəksin nazın Turanım ,
Sinəsi qəlpəli qazi Turanım.

Şəhla Xəlilqızı
"Qəbələnin səsi" şairlər birliyinin rəhbəri.
08.12.2021