Xəbərlər
28.11.2021, 20:01
Azərbaycan Premyer Liqası: ”Zirə” 3 cavabsız qolla üç xal qazanıb
AZƏRTAC xəbər verir ki, "Kapital Bank Arena"da "Sumqayıt" klubu "Zirə"ni qəbul edib. FIFA referisi Rauf Cabbarovun idarə etdiyi qarşılaşma qonaqların böyük hesablı qələbəsi ilə yekunlaşıb - 3:0.
Hesabı 14-cü dəqiqədə Təmkin Xəlilzadə açıb. O, Höccət Haqverdinin Loris Bronyoya qarşı kobud oyununa görə təyin edilmiş penaltini dəqiq yerinə yetirib.
Matçın 30-cu dəqiqəsində Qismət Alıyev çempionatın səkkiz qolla ən yaxşı bombardiri Davit Volkovun ötürməsini qola çevirib.
Qarşılaşmanın 79-cu dəqiqəsində isə Coşqun Diniyev uzaqdan dəqiq zərbə ilə matçda son nöqtəni qoyub.
Bu qələbə sayəsində xalını 22-yə çatdıran "Zirə" ikinci pilləyə yüksəlib. "Sumqayıt" isə 11 xalla 6-cı pillədə qalıb.
Qeyd edək ki, tura noyabrın 27-də start verilib. "Sabah" klubu “Keşlə"ni 2:1, "Neftçi" komandası "Səbail"i 1:0 hesabı ilə yenib. Son qarşılaşma noyabrın 29-da "Qəbələ" və "Qarabağ" komandaları arasında olacaq.
Son xəbərlər
Ən çox oxunanlar
- Bu gün
- Bu həftə
- Bu ay
