Həyat sonsuz və sürətli bir axın, zaman isə ağ kağızları unudulmaz mənəviyyat salnaməsinə çevirən ən böyük ustaddır Bu tələskən, bəzən isə insan ruhunu yorub incidən dünyada hər bir insanın silinməz iz qoyması, öz bənzərsiz dəst-xəttini qoruması asan məsələ deyil. Yalnız ömrünü və fəaliyyətini uca prinsiplərə, ədalətə, təhsilə və təmənnasız insan sevgisinə fəda edən fərdlər zamanın amansız rüzgarına qalib gəlirlər. Təhsil mülkündə, sözün namusunu qorumaq cığırında dürüst və ləyaqətli imzası ilə seçilən belə nəcib şəxslərdən biri – dünənədək 20 nömrəli tam orta məktəbdə ədəbiyyat müəllimi işləmiş və məktəb həmkarlar ittifaqı komitəsinin sabiq sədri olmuş, mənim orta məktəbdən dostluq etdiyim incə qəlbli insan Rüfət Qüdrət oğlu Soltanovdur


Onun dərsləri, sadəcə, bir fənn proqramının tədrisi deyil, şagirdlərin daxili aləmini nurlu gələcəyə hazırlayan əsl mənəviyyat məktəbi olub. Bir anlığa özümüzü onun dərslərində hiss edək.

Rüfət müəllimin sinif otağına daxil olduğu o müqəddəs an, məktəbin dəhlizlərindəki səs-küy yerini klassik şeirimizin, fəlsəfi publisistikamızın sehrli sükutuna verir. Lövhə önünə keçib Füzulidən, Nəsimidən, Sabirdən, Sabir və irfan fəlsəfəsindən söz açanda onun səsi təkcə qulaqlara deyil, birbaşa şagirdlərinin qəlbinə süzülür. Çünki o, ədəbiyyatı, sadəcə, quru sətirlər kimi nəql etmir, həm də tədris etdiyi hər sətirdə həqiqi "insanşünaslıq" fəlsəfəsinin sirlərini səmimi şəkildə bölüşür. Rüfət müəllim dərslərində başqa birisinə bənzəmək cəhdindən və kimisə yamsılamaqdan uzaq durmağın, öz xalis xislətinə sadiq qalmağın fəlsəfəsini öyrədir. O, şagirdlərinə pıçıldayır ki, əsl ucalıq süni parıltıların arxasında gizlənmək deyil, əcdadların miras qoyduğu təmiz adı, ləyaqətli mənəvi möhrü göz bəbəyi kimi qorumaqdır.



Ustad müəllimin xarakter portreti, ətrafa işıq paylamaq üçün öz rahatlığını fəda edən yanan şam missiyasının əyani təzahürüdür. O, həm bir pedaqoq, həm də məktəb həmkarlar komitəsinin sədri olduğu illərdə kollektivin hər bir üzvünə qarşı ustad təmkinliyi və xeyirxahlığı ilə yanaşıb.

Qüdrət kişinin ulu ocağından aldığı ailə tərbiyəsi onun hər addımında ağsaqqal müdrikliyi kimi özünü büruzə verir. Həmkarlarının və ya şagirdlərinin çətin anlarında dərhal səmimi münasibətini ortaya qoyaraq onların hiss etdikləri çətinliklərə, yaşadıqları problemlərə, ən incə məqamlara səmimi məlhəm olmağı bacarıb. Onun üçün fəaliyyətindəki ən böyük peşə sevinci və mükafat formal şöhrət yarışları deyil, yetişdirdiyi gənclərin dürüst imza sahibi olması və kollektivinin səmimi rəğbət təəssüratı olub.

SÖNMƏZ FİKİR MAYAKI

Rüfət müəllimin vətəndaşlıq mövqeyinin və ədəbiyyat dərslərinin şah damarını sönməz vətən aşiqliyi və torpaq istəyi təşkil edir. Vətən, yurd, torpaq qürurunu, təəssübkeşliyini şagirdlərinin qəlbinə bir ədəbiyyat nidası kimi həkk edib. O, bədii klassiklərin vətənpərvərlik ruhunu çağdaş Qarabağ zəfərimizin rəngləri ilə birləşdirərək gələcək nəslə milli kimlik və ləyaqət dərsi keçib.

Bakı şəhərindəki 20 nömrəli tam orta məktəbin ustad müəllimi Rüfət Soltanovun ömür yolu və ədəbiyyat məbədində göstərdiyi fəaliyyət bu fani dünyada dürüstlük, səmimiyyət və xeyirxahlığın qiymətinin heç vaxt ucuzlaşmadığını bəyan edən sönməz fikir mayakıdır. O öz ləyaqətli ömrü və nəcib əməlləri ilə həm təhsil camesində, həm də ətrafındakı insanların qəlbində silinməz mənəvi bir möhür vurub.



20 nömrəli məktəbin qəlbi elm və vətənpərvərliklə döyünən nurlu çırağı, ulu Qüdrət ocağının mənəvi nəcabət payı, ustad müəllim Rüfət Soltanovun ad günü bizim bayramımızı qeyd etdiyimiz günlə səsləşir.

Ona görə də onun işıqlı ömür zirvəsinə və mübarək ad gününə dərin ehtiramla bu kövrək misraları ünvanlayıram.

Sinif otaqlarında bərq vurur dürüst adınız,
Soltanov soyadı təhsildə uca bir şandır.
Pedaqoq, rəhbər, həm də fədakar ustadsınız,
Siz ətrafa nur saçan səmimi, pak cansınız.

Bu mübarək ad günü, bu nurlu, yeni yaşınız,
Ləyaqətlə yaşanan bir ömrün qızıl tacıdır!
Füzulidən, Sabirdən dərslər açdınız hər an,
Sözün uca mülkündə dürüst imzanız durur.

Rüfət müəllim, sizə heyran oldu bu cahan,
Ədəbiyyat dərsiniz qəlblərə hüzur verir.
Bu mübarək ad günü, bu nurlu, yeni yaşınız,
Ləyaqətlə bəzənən uca ömrün tacıdır!

Mübarək ad gününüzdə sizə möhkəm cansağlığı, ailə səadəti, ömür-gün yoldaşınız, mənim müəllimim olmuş Ramella xanımla birlikdə qoşa addımlamağı, övladlarınızın xoş gtünlərini görməyi, eyni zamanda tükənməz yaradıcılıq enerjisi və bundan sonrakı pedaqoji fəaliyyətinizdə sönməz uğurlar arzulayırıq. Yandırdığınız o söz və vəfa məşəlinin nurlu işığı gələcək nəsillərin yolunu hər zaman bir insanlıq mayakı kimi aydınlatsın!

Daşdəmir ƏJDƏROĞLU