Dünyaca məşhur müğənni Cennifer Lopez keçmiş həyat yoldaşı, aktyor Ben Afflekin oğlu ilə görüntülənib.

“Qafqazinfo” xarici mətbuata istinadən xəbər verir ki, o, Afflekin keçmiş həyat yoldaşı, həmkarı Cennifer Qarnerdən olan oğlu Samuel ilə nahar edib həmçinin alış-verişə çıxıb.

56 yaşlı Lopez 13 yaşlı Samuellə birlikdə mağazalarda ayaqqabılara baxıb. Belə ki, onlar birlikdə “Balenciaga” butikinə də baş çəkiblər.

Cenniferin Bendən boşandıqdan sonra belə onun oğlu ilə birlikdə olan səmimi münasibəti diqqət çəkib. Belə ki, onlar daha öncə də dəfələrlə birlikdə vaxt keçiriblər. Sonuncu dəfə isə 2024-cü ilin avqust ayında alış-veriş edərkən görüntülənmişdilər.

Xatırladaq ki, C. Lopez və B. Afflek hələ 2000-ci illərdə tanış olublar və əsas ulduz cütlüklərdən birinə çevriliblər. 2003-cü ildə onlar planlaşdırılmış toyu gözlənilmədən təxirə salıblar və tezliklə ayrılıblar. Bundan sonra ayrı-ayrı insanlarla ailə həyatı qurublar: Lopez müğənni Mark Entoniyə ərə gedib, Afflek isə aktrisa Cennifer Qarnerlə evlənib. Onlar sonradan boşanıblar. 2021-ci ildə isə keçmiş sevgililər münasibətlərini bərpa edib, 2022-ci ildə ailə qurublar. Ötən ilin avqust ayında isə cütlük boşanıb.