Xəbərlər
14.01.2024, 23:06
“Mançester Yunayted” – “Tottenhem” oyununda qalib müəyyənləşməyib
Turaztv.az AZƏRTAC-a istinadən xəbər verir ki, günün ilk matçında "Everton" və "Aston Villa" komandaları qolsuz bərabərliyə razılaşıblar.
Turun mərkəzi görüşündə isə bu mövsüm qeyri-sabit çıxışı ilə diqqət çəkən "Mançester Yunayted" "Oldu Trafford"da "Tottenhem"i qəbul edib. Maraqlı və gərgin mübarizə şəraitində keçən matçda qalib müəyyənləşməyib - 2:2. Oyunda hesab erkən qolla açılıb. Rasmus Hoylund meydan sahiblərini önə keçirib. 19-cu dəqiqədə qonaqların hücumçusu Rişarlison tarazlığı bərpa edib. 40-cı dəqiqədə "qırmızı şeytanlar" yenidən üstünlüyü ələ keçiriblər. Bu dəfə Markus Reşford adını tabloya yazdırıb. 46-cı dəqiqədə fərqlənən Rodriqo Bentankur isə oyunda yekun hesabı müəyyənləşdirib.
Hazırda "Tottenhem" 40 xalla beşinci, "Mançester Yunayted" isə 32 xalla 7-ci sırada qərarlaşıb. Turnir cədvəlinə 45 xalı olan "Liverpul" başçılıq edir.
Son xəbərlər
Ən çox oxunanlar
- Bu gün
- Bu həftə
- Bu ay
