Ankarada yaşadığı binanın 5-ci mərtəbəsində yerləşən evinin pəncərəsinə oturan qadın qorxu dolu anlar yaşadıb.

Turaztv.az metbuat.az-a istinadla xəbər verir ki, hadisə Ankaranın Altındağ rayonu Çankırı Prospekti üzərində baş verib.

İçkinin təsiri ilə 5-ci mərtəbədə olan evinin pəncərəsinə çıxan qadın ətrafdakıları qorxudub.

Vətəndaşların xəbəri üzərinə hadisə yerinə yanğınsöndürmə, səhiyyə və polis dəstələri sövq edilib.

Hadisə yerinə gələn yanğınsöndürmə briqadaları spirtli qadının düşmə ehtimalına qarşılıq tədbir alıb.

Şüşənin kənarına oturan spirtli qadın göz yaşlarına hakim ola bilməyib.

Ətrafdakı vətəndaşların maraqlı gözlərlə hadisəni seyr etməsi isə kameralara əks olunub.

Hüquq-mühafizə orqanlarının gərgin səyləri nəticəsində xilas edilən qadın ilk müayinə edilmək üzrə sanitar maşına mindirilərək xəstəxanaya aparılıb.