Binəqədi Rayon Polis İdarəsinin 7-ci polis bölməsinə fevralın 20-də rayon ərazisindəki evlərin birində paytaxt sakini E.Qasımovun hədələnərək 100 manat məbləğində pulunun alınması barədə məlumat verilib.

Daxili İşlər Nazirliyinin mətbuat xidmətindən AZƏRTAC-a bildiriblər ki, soyğunçuluğu törətməkdə şübhəli bilinən Abşeron rayon sakini M.Tarverdiyev polis əməkdaşlarının keçirdikləri əməliyyat tədbirləri nəticəsində müəyyən edilərək saxlanılıb.

Hadisə ilə bağlı Binəqədi Rayon Polis İdarəsində təhqiqat aparılır.