Xəbərlər
12.02.2022, 20:24
MƏNƏ ŞAİR DEMƏ - Bəradər SƏMƏNDƏRLİ
MƏNƏ ŞAİR DEMƏ
(Kəndimizdə təziyə mərasimlərinin birində Molla Fərzağa moizəyə klassik şairlərimizdən
birinin şeiri ilə başladı və bu zaman üzünü mənə tutub:-
şair bağışlasın-dedi.)
Bu dünya diriykən ölülərindi,
O dünya ölüykən dirilərindi.
Mənə şair demə molla Fərzağa,
Şair Hüseyn Cavid, Əli Kərimdi.
Şair haqq yolunda qalxır ayağa,
Tanımır başqa bir qoruq qadağa.
Mənə şair demə molla Fərzağa,
Bu ad Əhməd Cavad, Müşfiqlərindi.
Zindana bağladı ömrü Şirvani,
Eylədi həyatın "Gümrü" Şirvani .
Sağımız halallıq, solumuz cani,
Dünya dərk eyləyən müdriklərindi.
Sanmayın, şairlər dəli, xəstədi,
Şair ömrü bizdən çox yüksəkdədi.
O taylı, bu taylı iki həsrəti
Bir qəlbdə yaşadan "Xudafərin"di.
Şair mübtədasız xəbər yazmayır,
Olmasa sözündə kəsər, yazmayır.
Mənasız bir sətir, əsər yazmayır,
Həyatı yazdığı cümlələrindi.
Molla, xitabını belə yozuram,
Şair olmasam da, şeir yazıram.
Xalqın qulluğunda daim hazıram,
Əlimdə qələmim müxtəsər indi.
Bəradər, ömür də gəldi gedərdi,
Yükləmə bu qədər qəlbinə dərdi.
Taxtanın açdınsa düz oyna nərdi,
Qismətin atdığın qoşa zərdədi.
Bəradər SƏMƏNDƏRLİ
(Xanəliyev)
13.02.2022
(Kəndimizdə təziyə mərasimlərinin birində Molla Fərzağa moizəyə klassik şairlərimizdən
birinin şeiri ilə başladı və bu zaman üzünü mənə tutub:-
şair bağışlasın-dedi.)
Bu dünya diriykən ölülərindi,
O dünya ölüykən dirilərindi.
Mənə şair demə molla Fərzağa,
Şair Hüseyn Cavid, Əli Kərimdi.
Şair haqq yolunda qalxır ayağa,
Tanımır başqa bir qoruq qadağa.
Mənə şair demə molla Fərzağa,
Bu ad Əhməd Cavad, Müşfiqlərindi.
Zindana bağladı ömrü Şirvani,
Eylədi həyatın "Gümrü" Şirvani .
Sağımız halallıq, solumuz cani,
Dünya dərk eyləyən müdriklərindi.
Sanmayın, şairlər dəli, xəstədi,
Şair ömrü bizdən çox yüksəkdədi.
O taylı, bu taylı iki həsrəti
Bir qəlbdə yaşadan "Xudafərin"di.
Şair mübtədasız xəbər yazmayır,
Olmasa sözündə kəsər, yazmayır.
Mənasız bir sətir, əsər yazmayır,
Həyatı yazdığı cümlələrindi.
Molla, xitabını belə yozuram,
Şair olmasam da, şeir yazıram.
Xalqın qulluğunda daim hazıram,
Əlimdə qələmim müxtəsər indi.
Bəradər, ömür də gəldi gedərdi,
Yükləmə bu qədər qəlbinə dərdi.
Taxtanın açdınsa düz oyna nərdi,
Qismətin atdığın qoşa zərdədi.
Bəradər SƏMƏNDƏRLİ
(Xanəliyev)
13.02.2022
Son xəbərlər
Ən çox oxunanlar
- Bu gün
- Bu həftə
- Bu ay
