Dünyada 6 452 391 nəfər koronavirusa yoluxub.

Bu barədə Oxu.Az-ın onlayn statistikasında məlumat verilir.

Virusa yoluxan 382 479 nəfərin öldüyü, 3 066 698 nəfərin sağaldığı qeyd olunur.

Koronavirusa yoluxma sayına görə dünya ölkələri arasında ilk üç yeri ABŞ (1 881 205 nəfər), Braziliya (558 237 nəfər) və Rusiya (423 741 nəfər) tutur.

Sərhəd qonşumuz Türkiyə 165 555 yoluxma ilə yenidən ilk onluğa daxil olub.

İran isə 157 562 yoluxma sayı ilə 11-ci yerdədir.

Ermənistanda koronavirusa yoluxanların sayı 10 009 nəfərə çatıb, Gürcüstanda isə bu günə qədər cəmi 796 nəfərdə virus aşkar edilib.

Azərbaycanda 5 935 nəfərin koronavirusa yoluxduğu, 71 nəfərin xəstəlikdən öldüyü, 3 564-nün isə sağaldığı qeyd edilir.