QIZBƏS QƏBƏLƏ: APREL TƏNTƏNƏSİ...- FOTO

Xəbərlər

2.04.2023, 23:28

QIZBƏS QƏBƏLƏ: APREL TƏNTƏNƏSİ...- FOTO

APREL TƏNTƏNƏSİ...

( Şeri 2016 cı ildə Aprel Döyüşlərinə həsr etmişdim.O döyüşlərin qəhrəmanlarına eşq olsun ! Şəhidlərimizin ruhu qarşısında isə baş əyirəm.)

Yazıldı möhtəşəm bir tarix adı,
Qədim bir ölkənin salnaməsinə.
Əsrlər diksindi, zaman oyandı,
Dünyanı oyadan haqqın səsinə ...

Bir zaman oyandıq mərmi səsinə,
Yerlər də, göylər də alovlanmışdı...
Bu Odlar Yurduna, Od Ölkəsinə,
Quduz canavarlar tamah salmışdı.

Aşıb, dağıtmışdı sərhədlərini,
Torpaa mərmi - mərmi inildəyirdi.
Vətən çağırırdı övladlarlnı,
- Mənim qisasımı alın - deyirdi...

Düşmən susamışdı necə də qana,
İblis qəhqəhəsi eşidilurdi.
Alov tökülürdü sanki hər yana,
Göylərin bağrını alov dəlirdi...

Vətən çırpınırdı alov içində,
Qolunda əsarət zənciri vardı.
Yanıb qovrulurdu əzab içində
Koroğlu, Cavanşir, Babəklər yurdu.

Ölməz cəngavərlər yurduydu bu yurd,
Baş əyə bilməzdi rəzil yağıya.
Qolundan zənciri o qırmalıydı,
Düşməndən intiqam, öc almalıydı.

Bir səhər oyandıq atəş səsinə,
Azadlıq hayqıran " Şir nərəsinə ".
Şahinlər səmada sıralanmışdı,
Düşmənin canına qorxu salmışdı.

İgidlər çlxmışdı ər meydanına,
Alovlu güllələr hey uçuşurdu.
Bir təlaş düşmüşdü düşmən canına,
Pərın - pərən olu hey qaçışırdı.

Göylərə qalxsa da haqqın sədası,
Dünyanın gözü kor, qulağı kardı.
Hər kəs öz haqqını özü almalı,
Düşməndə " Qarabağ " haqqımız vardı.

Bir gün bax beləcə daşdı səbrimiz,
Cəngavər musallı elə dönərək.
Bəndi - bərəsini aşdı səbrimiz,
Bir coşqun ümmana, selə dönərək.

Ugidlər yürüdü düşmən üstünə,
Töküldü cəsədlər dərə - təpəyə.
Şir kimi dayanıb düşmən qəsdinə,
Azadlıq gətirdi Lələtəpəyə ...

Azadlıq şərbətin içib bir anlıq,
Diksindi, oyandı Cocuq Mərcanlı,
Qaçlb gizləndikcə qatı qaranlıq,
Torpaq həyəcanlı, el həyəcanlı.

Qartallar oylağı olan Talışın,
O gecə qaçmışdı yuxu gözündən.
Eyni açılmışdı hər dağın - daşın,
Dastan yaradırdı özü - özündən.

Qalxdı, silkələndi dünya yenidən,
Qalxıb erməniyə qahmar oldular,
Tarix təkrarlandı elə yenə də,
Qalxıb yolumyzda şahmar oldllar.

Yoxsa əzilərdi İblisin başı,
Qarabağ biryolluq azad olardı,
Yoxsa qalmaz idi daş üstə daşı,
Düşmənin yurdunda talan olardı.

Dördcə gün çəkdi bu tarixi savaş,
Sevindi binələr, yurd terləri də.
Azad olacaqdı bax yavaş - yavaş,
Laçını, Şuşası, Kəlbəcəri də !

Apreldən başlayan hünər yolları,
Böyük Qələbəyə aparır bizi.
Bu yurdun yenilməz, mərd oğulları,
Azad edəcəkdir Vətənimizi.

Zəngilan, Cəbrayıl, Ağdam, Füzuli,
Artıq ayrılığa dözüb, dayanmır.
Gözəl Qubadlının həzin nisgili
Qəlblərdə yaradır, heç otalanmır ...

Damıb ürəyimə bu yaz, bu bahar,
Bizə qələbədən müjdə gələcək.
Gözəl Qarabağım azad olacaq,
Vətənim sevinib, elim güləcək !

Dolanır bircə söz dilimin üstə,
Qarabağ bizimdir ! Bizim olacaq !
Bur gün Xankəndunin başının üstə,
Üç rəngli bayrağım dalğalanacaq !!